2ª Edicion do curso “Estratexias para incrementar a visibilidade e o impacto dos resultados da investigación”

POSTER A4 (2)Despois do éxito da primeira edición, o CUFIE e o Servizo de Biblioteca Universitaria e as bibliotecas dos centros, ofertamos o curso semipresencial “Estratexias para incrementar a visibilidade e o impacto dos resultados da investigación“, destinado a persoal docente (PDI) e alumnado de doutoramento da Universidade da Coruña. Trátase dun curso semipresencial, cun total de 12 horas (8 en Moodle e 4 en obradoiros presenciais nas bibliotecas de centro.

Os obxectivos do curso:

  • Motivar ao profesorado da UDC a ter unha presenza profesional activa na rede que reflicta de forma precisa as súas actividades e investigacións.
  • Promover o uso de boas prácticas á hora de crear unha identidade inequívoca como autores e investigadores.
  • Informar aos investigadores dos recursos específicos para a creación de perfís identificativos que faciliten a súa visibilidade nas bases de datos e na rede.  Facilitar aos investigadores estratexias para a visibilidade das súas publicacións científicas.
  • Traballar de forma práctica na creación de perfís e estratexias de visibilidade nos obradoiros.

orcidA Vicereitoría de Política Científica, Investigación e Transferencia enviou hoxe un comunicado a todo o PDI coa importancia de ter creado un perfil de investigación en ORCID, coa finalidade de dar unha maior visibilidade á súa produción científica. Trátase tamén, dunha referencia que xa se solicita á hora de publicar en moitas revistas científicas e en moitas axudas de investigación.

Neste curso tamén se darán estratexias para publicar con impacto, tratarase do tema do aceso aberto e as avantaxes de depositar nos Repositorios dixitais, e falarase redes científicas existentes para promocionar os traballos.

Prazo de matrícula: ata o 16 de marzo
Parte teórica: do 11 de abril – 8 de maio
Parte práctica: do 9 de maio ao 3 de xuño (acordarase con cada Biblioteca de centro)

Tedes aquí a informacion

 Formulario de inscrición

 

Como utilizar Google scholar para mellorar a visibilidade da tua investigación

Daniel Torres Salinas e Emilio Delgado López-Cózar, membros do Grupo de Investigación ‘Evaluación de la Ciencia y la Comunicación Científica (EC3)’, acaban de publicar en Slideshare a presentación do curso que están impartindo na Uviversidade de Granada, Cómo utilizar Google Scholar para mejorar la visibilidad de nuestra producción científica

Google scholar é a fonte de información máis utilizada por investigadores e alumnado. Trátase dun buscador académico gratuíto, multilingüe, universal e sinxelo que ofrece gran cobertura (inclúe repositorios de investigación e recolectores, revistas sí e non peer review), comparable a moitas bases de datos. con googl scholar podemos:

1. Buscar información bibliográfica (busca en revistas, repositorios, bases de datos, libros, congresos, informes científico-técnicos, teses…)
2. Obter textos completos en pdf ou html. Incluso da opción de ver todas as versións do mesmo.
3. Ver as citas dun traballo e coñecer o teu índice h
4. Exportar directamente a un xestor de referencias bibliográficas (incluído Refworks e Endnote)

Se queres que os teus traballos aparezan indizados no Google scholar é importante que estean nun repositorio dixital ou na web da universidade, tamén é importante que te crees un prfil no google scholar e que nel asocies a tua web. LEMBRA: na UDC temos un repositorio dixital ao que podes subir os teus traballos, o RUC, utilízao e mellorarás a tua visibilidade.