Obradorio de mail art

O día 12 de marzo de 12 a 15 horas e o 19 de 9 a 12 haberá na aula de plástica da Facultade un obradoiro de mail art impartido por Manoel Bonabal. Son duas sesións, pódeste anotar a unha ou a outra na Biblioteca. É gratuíto. Para alumnado, docentes e PAS da Facultade de Ciencias da Educación.
No obradoiro se fará unha introdución ao mail art, historia e filosofía, presentaranse exemplos de distintas convocatorias, falarase da sua aplicación no ensino e o seu valor comunicativo. Además será un obradoiro práctico, no que os participantes poderán realizar algunha obra co material existente na aula e o que cada quen queira levar (pódese utilizar diversas técnicas: collage, pintura, fotografía, estampa…). Tentarase tamén fomentar a participación na II convocatoria de mail art da biblioteca, así como noutras convocatorias abertas.

 

A memoria como fermento.

As nosas peceiras de creatividade énchense de novo de cor, imaxes, obxetos, experiencias, identidade, … MEMORIA, e neste caso “memoria colectiva”, a da sociedade.

Noticia na Voz de Galicia

Deixámosvos o texto sobre a mostra realizado polos seus autires (Hector Pose e Luís Porto) e convidámosvos a visitala e mergullarvos nesas augas mansas da memoria.

A memoria como fermento. O libro como soporte documental dunha entidade de base. Unha experiencia.

A memoria dos territorios e das súas xentes é un recurso fundamental no proceso de construcción da identidade local. Todo profesional da acción educativa e sociocultural debe sabelo.

E ese cúmulo de experiencias colectivas cotiás (festas, fitos deportivos, desastres ou sucedidos…) van amoreando un xeito de vivir e convivir que conforma un pasado, un xeito de ser. Tal pasado fornece o presente de cada comunidade e axúdalle a encarar con mellores garantías o futuro de seu.

Un club de fútbol afeccionado, unha entidade de base, colabora en tal proceso de desenvolvemento comunitario. Co seu desinteresado labor, década tras década, achega lecer, relacións, valores e memoria. Cohesiona socialmente.

O álbum visual “SCD Malpica, 40 anos de fútbol” tenta demostralo. Quere poñer en valor a participación social, o educar patrimonialmente, axudar a visibilizar un labor calado e sostido de xeracións e lexitimar ao libro analóxico como soporte promocional.

Amosámosvos un humilde exercicio de pedagoxía cívica.

O libro custa 15€ e van integramente para o labor social da SCD Malpica.

II convocatoria de mail art da Biblioteca: “a memoria ferida: memoria e esquecemento”

A Biblioteca da Facultade de CC da Educación da Universidade da Coruña, en colaboración coa Biblioteca Central do Campus de Pontevedra fai pública a II convocatoria de mailart, co tema: “A memoria ferida” : memoria e esquecemento.

A primeira mostra tiña por tema “radiografía do medo” e nela participaron 137 artistas que plasmaron, empregando diferentes técnicas, a súa visión persoal do medo. Ademáis de creadores e creadoras nacionais, participaron artistas de México, Alemania, Arxentina, Xapón, Portugal, Uruguay, Tuquía, Siria, Venzuela, Estado Unidos, Gran Bretaña, Finlandia, Rumanía, República Checa, Noruega, Italia, Grecia, Chile, Canadá, Brazil, Bélxica e Austria. A mostra, despois da Biblioteca da nosa Facultade, estivo exposta en Biblioteca Central do Campus de Pontevedra (Universidade de Vigo).

Detalles da convocatoria

Tema. “A memoria ferida: memoria e esquecemento”

Destinatarios: Poden participar todos/as artistas que o desexen de calquera lugar do mundo.

Características técnicas:

Dimensión: Tarxeta postal 20×10 cm
Papel ou calquera outro soporte que se adapte ás medidas.
Técnica: libre
Envío por correo postal, sen sobre.
Máximo dúas obras por artista
Data límite: 30 de abril de 2012

2 exposicións no 2012: maio-setembro na Facultade de CC da Educación e setembro-novembro na Biblioteca Central do Campus de Pontevedra.

Ademáis exposición virtual.

Resposta a todos/as os que participen.

As obras non serán devoltas, despois das exposicións pasarán a formar parte da colección da Biblioteca de Cc da Educación.

Información e entrega das obras:

Biblioteca

Facultade de Cc da Educación

Universidade da Coruña

Campus Elviña s/n

15071 ACoruña

Galicia

España

memoriaeesquecemento@gmail.com