Manuel María, poeta

cartaceO Día das Letras Galegas de 2016 foi adicado a este poeta chairego, galego de nacemento, oficio e vocación.

Como este ano as datas cadraron co Centenario das Irmandades da Fala, a biblioteca adiou a exposición deste autor para setembro-outubro, época na que, dende hai oito anos, a Fundación Manuel María lle fai unha homenaxe na Coruña chamada “Lúas de Outono”, tendo en conta a súa data de nacemento (6 de outubro) e pasamento (8 de setembro).

No andar-2 da biblioteca están 10 paneis explicativos da vida e obra deste grande poeta, cuxa vida e obra están unidas no amor e compromiso co país.

Nestas vitrinas temos unha pequena mostra da súa obra e estudos sobre él e aqui deixamos unha bibliografía realizada por nós sobre el e a súa obra. Na web da Casa Museo Manuel María hai unha relación completa da súa obra. Na Biblioteca da UDC temos disponible para levar en préstamo moitas delas, asi como recursos didácticos e na Biblioteca Virtual Galega podedes ler algunas en rede.

Queremos destacar que foi o primeiro autor en editar en galego despois da guerra civil e en editar poesía para crianzas.

Hai temáticas da súa poesía que persisten ao longo da súa obra: a natureza, a casa, o país (paisaxe e paisanaxe), o idioma, o amor, a palabra…Na súa lírica destaca a súa musicalidade, o que o levou ser un dos autores máis cantados e popularizados por diversos cantores e cantoras.

Informativo monográfico sobre Manuel María realizado no CPI dos Dices-Rois

Que o gocedes!

Exposición de Castrolara no Recuncho de lectura

20160414_090050Durante os meses de maio e xuño temos no Recuncho de lectura a exposición de pintura Luces en lugar de sombras, de Nieves Castro Lara.
Artista cordobesa que actualmente reside en Betanzos, onde imparte clases de pintura e gravado. Licenciada en bioloxía pola Universidad de Córdoba, despois de dous anos de investigación na universidade, cambia de papel para dedicarse profesionalmente á arte. Para ela as súas paixóns son a pintura, a ciencia e a escrita. Artista autodidacta, tivo contacto coa pintura dende moi nena, no estudo do seu pai. Fórmase nas técnicas de gravado na Fundación Ciec, realizando o Mestrado de Obra gráfica. Ten impartido obradoiros de distintas técnicas artísticas en diferentes institucións, e realizado exposicións individuais e colectivas.

Castrolara móvese entre a figura e a abstracción, enchendo esta última as súas obras máis recentes. Na obra figurativa recurre á muller e á natureza, que cada vez máis se despoxa de liñas e contornas, deixando só a mancha de cor, a impronta dunha estampa de luz.

Luces en lugar de sombras é unha selección de obras en papel e lenzo, na abstracción total, nas que utiliza técnica mixta, óleo, collage e xilografía, sendo a luz quen todo invade, nun equilibrio perfecto entre a emoción e a expresión a base de cores. Só un pequeño esbozo, na sombra, dunha árbore, do que a gubia labrou alguna vez na táboa, e que hoxe agarda intervida con fortes pinceladas. Esta ausencia de representación nos leva a un diálogo coa obra unicamente sensorial.

Irmandades da Fala

IMG_20160418_092548

Van agora cen anos das Irmandades da Fala ; que fixeron unha dinamización cultural e política sen precedentes no noso país; que deixaron un legado esplendoroso de dignidade e amor ao propio e marcaron un camiño de esperanza para o pobo galego.

Na biblioteca de Ciencias da Educación temos unha exposición nas vitrinas que estará até o 16 de maio, data do propio Centenario.

Lugar: peceiras de creatividade
datas: abril e maio 2016

 
eduIrmandade1p

Na nosa homenaxe a estes homes e mulleres queremos reflexionar onde estamos e onde queremos estar. E se é unha realidade que desaparecemos como pobo, até que ponto é co noso consentimento.

Ler texto sobre o Centenario das Irnmandades da Fala (María Gutiérrez Calvete).

amoresQmatan. votación popular

MARTES 8, ás 11 h, entrega de premios, inauguración da exposición e proxección dos videos seleccionados. Recuncho de lectura da Biblioteca.

O venres ás 12 h rematou o prazo para votar os videos e fotografías no twitter. O video gañador foi o realizado por un grupo de Grao en Eduación social, asinado por Nerea Allegue, e baseado na película “Te doy mis ojos”.

Ademáis foron seleccionados por número de votos os videos: Sen ti son eu realizado por sete alumnas de mestrado de Profesorado e baseado na película “Te doy mis ojos”; Dias contados, de Zeltia Iglesias;  Soy como tú, de Alba Barrós Castro; o video asinado por SegisNoe e baseado na curta “Nunca es tarde para hacerse valer”, o de Bñlanca Diaz baseado en “Celos”; Libérate dos amores que matan, de Natalia Pampín; Me das miedo, realizado por un grupo de alumnas e asinado pr Paula, baseado na película “Quinceañera”; un video asinado por Alejandra, baseado en Te doy mis ojos”; e Todo merece ser amado, de Rebeca Mayo, baseado en “El color púrpura”.

Pódense ver todos no Pinterest https://es.pinterest.com/beducacion/amoresqmatan-videos-seleccionados/

A foto gañadora foi a presentada por Laura Gómez Soriano, con 933 votos. Seleccionáronse para a exposición, ademáis desta as de Raquel Sumay, baseada nno libro de  Nawal al-Sa’daw “Mujer en punto cero”, a asinada por Queen B (grupo de alumnos de educación social), a de Laura (grupo educación social) baseada en “Sólo mía”, e a de Iria Vigo Costa, baseada no libro de Begoña Paza “A ferida”.

 

amoresQmatan. Decisión do xurado

Imaxe de Sara Formoso para concurso amoresQmatan

Imaxe de Sara Formoso para concurso amoresQmatan

Reunido o xurado, composto por Lucía Martínez Grela (alumna de TFG), Roberto Suárez Brandariz (profesor de educación artística), Juan José Bueno Aguilar (profesor de educación social) e Inma Doval Porto (bibliotecaria), acordouse por unanimidade:

  1. Conceder o premio de fotografía á obra de Sarai Formoso, baseada na película “Te doy mis ojos”, de icíar Bollaín.
  2. Deixar o premio de video para votación popular, o que teña máis “gústame” no propio twitt, habendo de prazo ata o día 4 de marzo. Deste xeito quedan dosu premios populares, un para fotografía e outro para video.
  3. Despois de avaliar 100 parcicipacións, das que 85 eran fotografías, decidíu seleccionar 20 fotografías para exposición, que se inaugurará o día 8 de marzo ás 12 h, as asinadas por: @Xiana_Sanchez, @emejotacorona, @Ione994, @monica94_capela, @noensqms, ‏@saracaramelo,@iria_boedo, @martaoreirog, @merceditasramos, ‏@SaraRocknRoll1, @SaraiFormoso, @CrisRamilo11, @migui_16, Raquel Martínez ‏@R_Martinez_D, @Sheila_Pedreira, Nuria Amigo Ferreiro @yatatodo 11, @ThaisMartnez, Manuel Orol Tallón ‏@manuelorol1991, Ramón Ferreiro Viadé ‏@Reimon_fV e Trini Castiñeira ‏@tcastineira.
    Na valoración o xurado tivo en conta, entre outros aspectos a orixinalidade, a calidade técnica e a mensaxe
  4. No caso no qeu o premio de votación popular coincida coa obra premiada polo xurado seleccionarase a seguinte. Unha obra só pode levar un premio.
  1. Os 10 videos que teñan máis “gústame” no twitter será os seleccionados e serán proxectados o día 8 de marzo no Recuncho de lectura, no momento da entrega de premios.

Cada un dos premios consitirá nun vale de 50 € a canxear nunha libraría da Coruña.

amoresQmatan: concurso de fotografía e videocreación

AMOR DEFINITIVO

Concurso de fotografía e videocreación.
8 de marzo 2016.
Organiza a Biblioteca da Facultade de Ciencias da Educación en colaboración con Roberto Suárez Brandariz Brandariz e alumnado de Linguaxes audiovisuais e educación artística do Grao en Educación infantil.
Envíanos un twitt cunha foto ou video antes do 26 de febreiro. Debe constar  #amoresQmatan e @biblioeduca. A partir da lectura ou visualización dun dos libros ou películas propostas pola Biblioteca.  das obras propostas.
Descargar Bases.
Se non sabes como subir videos a twitter aquí tes duas guías básicas Videograber e  Twittboy.

O lapiz do neto do carpinteiro

CARTEL 2Lugar: Recuncho de lectura e peceiras de creatividade da Biblioteca da Facultade
Datas: xaneiro-marzo 2016

O lápiz do neto do carpinteiro é unha exposición de caricaturas realizadas por Roberto Suárez Brandariz, arquitecto e profesor titular na nosa Facultade, onde imparte educación artística. Nas caricaturas de Roberto non existe unha esaxeración de rasgos físicos das persoas retratadas, se non que nos achegamos á parte máis interior de delas, nunha clave humorística, non satírica, cunha visión cómica e amable dalgúns dos seus compañeiros e compañeiras da Facultade. A pericia no debuxo, do neto do carpinteiro, do neto dun ebanista que, como el, aprendeu o debuxo dende moi neno, a partir do trazado de formas xeométricas básicas, así como a captación do aspecto psicolóxico déixase ver na representación de cada personaxe. Roberto publicou as súas primeiras tiras cómicas, de crítica e reivindicación social xa no ano 1978, no suplemento do periódico El Ideal Gallego. Realizou ademáis carteis por encargo, traballando daquela nunha empresa de publicidade, como o que podemos ver, tamén no recuncho, para Estrella Galicia. O proceso creativo de cada una das caricaturas parte do debuxo a lápiz, que despois continuará con rotulador e lápices de cores.

imaxe da Wikipedia

imaxe da Wikipedia, caricatura de Darwin

A caricatura é un xénero artístico que aparece na Italia renacentista, fálase da súa creación pola familia Carraci en Bolonia no século XVI, aínda que xa Leonardo da Vinci realizaba debuxos con rasgos esaxerados que poderiamos incluír neste campo. Pero podemos rastrexar os seus comezos nas culturas mesopotámicas e o antigo Exipto, que continuaría en Grecia e Roma, (Aristóteles cita a un “pintor malévolo”, Poson), e incluso temos exemplos na arte medieval (Peláez, 2002). É no Renacemento cando se realizan obras satíricas e burlescas que moitas veces traían de cabeza á Igrexa, non só en Italia, se non tamén na pintura flamenca. As caricaturas  adéntranse no psicolóxico, trazando unha relación entre o caracter e a fisonomía, vencellándose nun principio con aspectos máxicos, como aparecen no tratado de Giambattista Della Porta, moi asociados no Renacemento a animales fantásticos e seres monstruosos.  (Grose, Burucúa  e Kwiatkowski  2011). A partir do XVII se utilizaría a caricatura para a ridiculización política e social, incluso nas loitas parlamentarias en Inglaterra que florecería no XVIII, “século de ouro” da caricatura inglesa, cun gran autor, William Hogarth e coa publicación do primeiro libro de debuxos de caricaturas, hacia 1762,  Mary Darly’s A Book of Caricaturas. No século XVIII e XIX en Francia e Gran Bretaña hai xa importantes revistas de caricaturas, como “La caricature” ou “The comic almanac”, respectivamente.

imaxe da Wikipedia

imaxe da Wikipedia. Caricatura realizada por Daumier

A historia ofrécenos nomes de excelentes caricaturistas como Carraci, Callot, John Tenniel , Sir Max Beerbohm, Honoré Daumier , Goya, Wilhelm Busch , Mort Drucker ou Sebastian Krüger, máis tamén existiron e existen mulleres moi boas nesta arte, como son Cintia Bolio, Raima Suprami, Guadalupe Rosas, só por citar algunhas delas…

En Galicia tivemos e temos maravillosos autores deste xénero: Castelao, Isaac Diaz Pardo, Siro López, Pinto, Leandro, Carrera, Abraldes, Xaquín Marín ou Kiko da Silva.

Caricatura de Laura Valenzuela realizada por Siro. Imaxe da BNE.

Caricatura de Laura Valenzuela realizada por Siro. Imaxe da BNE.

De feito, durante varios anos contou cunha Bienal específica, a Bienal da caricatura de Ourense, que tivo 9 edicións, baixo a dirección do grande activista cultural Benito Losada, na que se expoñían obras dos máis representativos caricaturistas a nivel internacional.

As caricaturas expostas no segundo andar da Biblioteca compleméntanse co material exposto nas vitrinas da entrada, nas que se poden ver outros traballos de Roberto, fases do proceso creativo e algunhas obras disponibles na biblioteca sobre caricatura e outros autores deste xénero.

Grose, F., Burucúa, J. E., & Kwiatkowski, N. (2011). Principios de la caricatura; seguidos de un ensayo sobre la pintura cómica. Madrid: Katz.

Peláez Malagón, J. E. (2002). Historia de la caricatura. Clío: History and History Teaching., (27)

EXPOSICIÓN DE ISABEL PINTADO

IMG_20151007_121719 (1)Cambio de mes e renovamos exposición no Recuncho de lectura e nas peceiras de creatividade. Durante os meses outubro e novembro podedes vir e coñecer a obra dunha grande artista, Isabel Pintado, licenciada en Belas artes pola Universidad Complutense de Madrid, profesora de pintura e gravado en varias institucións (Museo de Belas Artes da Coruña ou MAC, entre outros), ilustradora, colaboradora en espectáculos teatrais facéndose cargo da escenografía e atrezzo (Pisados Botamán de Melide ou Snakizados, de Gustavo Pernas), realiza ademáis instalacións artística, pintura en seda, etc. Acadou numerosos premios e bolsas artísticas.

A obra que presenta na nosa Biblioteca xira en torno ao libro. No recuncho de lectura hai unha pequena mostra dalgunhas das súas pinturas en papel. E nas peceiras de creatividade unha selección de libros intervidos, nos que podemos atopar poemarios de Eva Veiga, Miguel Anxo Fernán Vello, Francisco X. Fernández Naval, Yolanda Castaño, Antonio Gamoneda, Diana Varela Puñal…, cos que dialoga con debuxos e sedas.

Ler, escribir e com@prender na era dixital

seminarioesO venres 25 de setembro terá lugar na Facultade de Educación da Universidade da Coruña o II seminario internacional de educacion social e alfabetización lectora,  baixo o lema Ler, escribir e com@prender na era dixital, organizado por  Héctor Pose (UDC) e José Antonio Caride (USC), coordenadores das respectivas universidades na RIUL (Rede Internacional de Universidades Lectoras). Neste seminario participarán, entre outros, como Daniel Cassany , Roberto Aliaga, Xosé CobasXosé Ballesteros, Javier Marco, Santiago Yubero, Sandra SáchezXulio L. Valcárcel.

IMG_20150924_130912

 

Na Biblioteca, con motivo deste seminario tan atractivo, seleccionamos una serie de libros e material sobre o tema que podedes ver exposto nas nosas vitrinas de creatividade. Ademáis elaboramos una bibliografía con artigos e libros recentes sobre lectura e era dixital que podedes consultar se queredes profundizar máis.

Exposicións de maio

Comezamos o mes de maio con duas interesantes exposicións na Biblioteca.

IMG_20150505_084716Coincidindo e colaborando coas xornadas do festival Marea alta na nosa Facultade, entre o 4 e o 7 de maio, teremos na Biblioteca algunha das obras de Xosé Manuel Barros Hermida, da asociación Mar de fábula. Xosé Manuel traballa con crebas, refugallo que nos devolve o mar, e que transforma en fermosos barcos e no que el denomina “criaturas caóticas”. Case podemos navegar no Norah Crane, no Titan ou no Costa dos mosquitos… ou lembrar a Humphrey Bogart e Katharine Hepburn no African Queen.

Con motivo destas xornadas, nas nosas peceiras de creatividade temos unha mostra sobre a contaminación dos océanos e a poesía do mar.

E no noso Recuncho de lectura, tamén temos cambio de exposición. Nesta ocasión será Teresa Candal quen nos encha a sala de arte e de cor. Teresa é licenciada en Belas artes pola Universidade de Vigo, ten realizado numerosas exposicións de pintura, ademais é deseñadora gráfica e conta con formación en Arteterapia, cun postgrado realizado en Barcelona e o ciclo superior en Madrid. A cor domina nas súas obras, que en moitas ocasións a leva a abstración. Xoga con textos, dialogando con grandes autoras e autores, como Rosalía de Castro ou Cortázar, como podemos ver nalgunhas das obras aquí expostas. Nesta ocasión, Teresa, preséntanos unha serie de acuarelas, algunhas delas pertencen a unha homenaxe a Rosalía, un grande traballo.

Podesdes ver a súa exposición a partir do 7 de maio ata finais de xuño.